又黎到磅重既時間喇～兩位主人最近雖然經歷過食花事件，但係依然無阻佢地既食慾，食野比平時多左每日20g左右（平時每日每隻60g，建議份量係90g，所以都未餵過龍）。

可能因為冬天所以郁少左既關係（但我唔覺囉），佢地都加左磅：

楊生係 7kg = 15.4lb

而楊太係 4.7kg = 10.4lb

報告完畢！

楊先生早就習慣左上床行黎行去同埋訓覺，楊太就可能依然好怕d被（可能隨時都會包住佢？ XD），所以通常都好難叫佢上床玩…

呢排天氣凍，又難得工人肯俾上床，好心就上黎暖下啦～～～可惜呢d野真係逼唔黎。

聖誕前後幾日，天氣唔算太凍，工人開門訓覺，點知一醒番就見到兩位主人咁既狀態：

一隻就壓住工人對腳，一隻就企定定望實工人訓覺 😀

聖誕前夕，工人拎左少少公司剩餘物資返屋企 – 三束花，諗住擺黎睇下都好，點知主人們非常有興趣，終於都出事…

當然放花入屋之前，我都知道有d花係唔放得既，例如有毒性既百合咁。因為d花都真係好多，同埋未有咁大個花樽，所以最後都係唔敢放出廳，轉而放左好多日廁所。

終於…第二朝我見到廁所門口推開左，成地都係嘔漬 ~_~ 而嘔既只有楊先生一隻，嘔到成隻喵謝謝地皮，真係陰公豬咯～～～當然唔鬧佢係唔得既，不過對住一隻狂嘔既喵又真係唔太忍心，所以工人最後都只係再次將d花隔離、收埋晒d唔濕得水既野，如果唔係萬一佢嘔左落去…咁就大鑊架喇 Orz

最後楊先生全日謝晒，過兩日先至精神番，無病痛已經算好好彩架喇 囧

好唔容易渡過2012是芥末日，聖誕黎到喇～

天氣凍起黎，楊太楊太呢幾日明顯食多左好多，有時候工人明明餵足每日份量，結果都係要加碼（好在加碼之後都未超過建議攝取份量啫…）

聖誕節，當然有聖誕餐啦～今日特別加個罐頭俾佢地一喵一半，結果正常地楊先生食左七成 XD 朝早餵完、中午都未到，楊太就已經鬼殺咁嘈要添食…

家居裝飾方面，其實都無買過乜野，不過工人買過一個聖誕裝飾用黎抽獎，送出去之前俾主人們過目，佢地都讚不絕口，仲即場黎個濕吻添啊！有相為證架 😀

今日比較得閒就睇下YouTube片啦，咁啱今日有朋友Share左條片係講喵既，我就順手click入去睇下；睇到尾擰轉頭，竟然俾我見到楊先生眼都唔眨望住個芒…

於是我開多幾條喵片睇，然後觀察下佢…

楊先生見到我遮住個芒，係識得擰側個頭繼續追睇架 XDDD

不過一轉唔係喵既片，佢就無興趣走左去喇～

好耐無公佈兩位主人既重量喇！大家留意～～～～～

楊生係 6.4kg = 14.1lb

而楊太係 4.2kg = 9.3lb

兩位主人都輕左，不過明顯見到楊太輕得比較多…一來係轉左減肥糧（但係其實份量多左），二來楊太磅重當日食左幾啖就行開左，所以磅落比較輕 😛

今次真係無需多言！

俾楊太萌死喇～～～

係囉，咁就半年咯，真係唔覺唔覺…

依家佢地兩個又嗲又乖，真係好好玩 😀

舊工人幾時有空上黎探下佢地？

據說另一位工人係喵仔剋星，所有照顧過既男主人都過唔到五個月命，所以呢幾日我地非常之集中留意楊先生既動向，睇佢會唔會無啦啦死鬼左…

結果係無既！

由於詛咒已被破解，所以佢應該會長命百歲，點都唔會死（哇～～～）

最近楊生楊太都會上床訓，楊太已經無以前咁驚青，玩肚仔都已經無問題，有時候有人按門鐘仲直頭唔走添 – 楊生會走，但通常見自己走唔切就會回頭同大家親近親近 XD

至於腸胃方面，我終於幫佢地轉晒喵糧做Royal Canin Light 40，可能因為係純減肥糧既閣係，楊先生明顯地食慾不振 😀 但其實肚餓終歸都會食，所以半個月以來，佢地各輕左…100g咁大把 Orz 不過便便多左好多，同埋明顯地無咁臭，點都係一件好事黎既。

喵砂就比較難搞d，今次買返黎同上次都係同款，不過唔知點解有時唔係幾結舊，同埋兩位主人腳仔散播到四圍都係喵砂，屋企有沙漠化既跡象！無既，每日掃幾次地咁啦…

楊先生睡相一向都係比較奔放，不過你又唔可以話佢無警覺性，影佢睡相唔係次次靚架。

今朝出門返工之前偷影，俾大家欣賞下啦～