我覺得我應該搞番個收費電視台幫補一下楊生楊太既喵糧支出,但係我又對鏡頭好奄尖(用慣好野、但係好野通常好貴),所以突然見到淘寶有香港中高級cam平價發售就即刻訂番部~
裝cam比想像中簡單,原來依家既cam連DDNS都唔洗set,用專用手機軟件同預設網址就即刻完全打通晒,非常方便!
不過呢度重點係楊生楊太,所以都要放番佢地既樣出黎…

因為當時個軟件有問題,所以alignment出晒事(今日出左update正常番晒)

楊生反監視!Yeah~~~
我覺得我應該搞番個收費電視台幫補一下楊生楊太既喵糧支出,但係我又對鏡頭好奄尖(用慣好野、但係好野通常好貴),所以突然見到淘寶有香港中高級cam平價發售就即刻訂番部~
裝cam比想像中簡單,原來依家既cam連DDNS都唔洗set,用專用手機軟件同預設網址就即刻完全打通晒,非常方便!
不過呢度重點係楊生楊太,所以都要放番佢地既樣出黎…

因為當時個軟件有問題,所以alignment出晒事(今日出左update正常番晒)

楊生反監視!Yeah~~~
由第一日睇相都已經知道楊先生好嗲,不過點都一定有進步空間既 XD

依家佢上床可以俾我捉住既秒數一日比一日長 😀

包住頭又好好笑,不過通常俾野包住就會好想走~~

呢張自拍正啊,我自己訓起度影架,引佢望鏡頭勁難…

就係咁,楊生楊太轉左工人一年喇,工人由一開波領教到佢地既殺傷力、直到依家都日日嗲到癲,進步雖然已經好大,但進步空間依然好大…
工人們依然好鬼忙,最近有好多事情無寫到出黎,不如我預告黎緊會補寫番乜野事件啦:
唉,真係好多野要趕住做,依家匆匆寫完呢段字,我又要趕住去訓覺喇,好忙啊~~~~

早前已經有試過將楊先生打造成招財喵架喇,不過影相都只係趁楊先生玩玩下唔記得放低手時影相 – 今日大年初一,我番黎屋企無耐,佢就咁樣舉高手望住我喇!
好感動…
楊先生,多謝你支持工人發大達啊~~~~
今個冬天天氣好怪,時冷時熱又易病,攪到工人身體唔見太好…相反兩位主人好食好住,即使減左糧,體重都係一直上升…
以前係一餐長糧160g,依家係兩餐長糧70g + 70g,即係每日減左20g,依然比建議份量(90g x 2)差好遠,點解兩位主人咁吸收? Orz
好喇,報數時間:
楊生係 7.2kg = 15.9lb

而楊太係 4.8kg = 10.6lb

楊生已經日日打波架啦,點解會咁架 囧
又黎到磅重既時間喇~兩位主人最近雖然經歷過食花事件,但係依然無阻佢地既食慾,食野比平時多左每日20g左右(平時每日每隻60g,建議份量係90g,所以都未餵過龍)。
可能因為冬天所以郁少左既關係(但我唔覺囉),佢地都加左磅:
楊生係 7kg = 15.4lb

而楊太係 4.7kg = 10.4lb

報告完畢!
楊先生早就習慣左上床行黎行去同埋訓覺,楊太就可能依然好怕d被(可能隨時都會包住佢? XD),所以通常都好難叫佢上床玩…
呢排天氣凍,又難得工人肯俾上床,好心就上黎暖下啦~~~可惜呢d野真係逼唔黎。
聖誕前後幾日,天氣唔算太凍,工人開門訓覺,點知一醒番就見到兩位主人咁既狀態:

一隻就壓住工人對腳,一隻就企定定望實工人訓覺 😀

聖誕前夕,工人拎左少少公司剩餘物資返屋企 – 三束花,諗住擺黎睇下都好,點知主人們非常有興趣,終於都出事…
當然放花入屋之前,我都知道有d花係唔放得既,例如有毒性既百合咁。因為d花都真係好多,同埋未有咁大個花樽,所以最後都係唔敢放出廳,轉而放左好多日廁所。
終於…第二朝我見到廁所門口推開左,成地都係嘔漬 ~_~ 而嘔既只有楊先生一隻,嘔到成隻喵謝謝地皮,真係陰公豬咯~~~當然唔鬧佢係唔得既,不過對住一隻狂嘔既喵又真係唔太忍心,所以工人最後都只係再次將d花隔離、收埋晒d唔濕得水既野,如果唔係萬一佢嘔左落去…咁就大鑊架喇 Orz

最後楊先生全日謝晒,過兩日先至精神番,無病痛已經算好好彩架喇 囧