分類: 楊太

楊生楊太既情人節係成日zzzzzzzzzzz，然後就係食食食食食…咁就係佢地最幸福（又平凡）既情人節喇～

我買左個波俾佢地，不過其實佢地都唔太領情…可能佢想見我多過過波（嘿嘿）

個波係去Sweetie Balloon買既，有興趣可以佢地舖頭、網站，又或者HKTV個商店度買 😀

呢個時候唔做喵波，仲等幾時？好凍～

嘟嘟嘟～終於的起心肝幫兩位主人既重量公告天下喇～其實自從楊先生食左醫生署方減肥糧之後，佢真係瘦番去剛剛入伙既重量，依家跳多左、玩多左，又嗲左 XD 依家轉番之前食開既減肥糧都可以好好保持體重，唔錯～

楊太太就一直keep得好好，無起跌 🙂

好喇，報數時間：

楊生係 6.5kg = 14.3lb

 

而楊太係 4.5kg = 9.9lb

楊生堅係輕左好多，正呀～～～～

即係咁，其實楊先生一遇到工人，工人就已經叫佢做「楊生」、「楊先生」，後來就因為佢性格同文字描述一樣，所以叫佢做「很嗲」；間中就叫佢做「阿仔」，又或者「喵」，仲有根據客觀事實而叫既「肥仔」同「肥野」，基本上佢全部都係會應既。（不過就算你叫佢做楊太太，都係會應架啦…）

今日多一個名，其實係因為佢實在生產便便數量、速度都非常驚人，再加上本來就唔係好識得用喵砂，所以次次都臭死人，今日終於要叫佢做「Shit Machine」喇～

我總係覺得Shit Machine應該係生產力促進局派黎我屋企既餓底… Orz

其實每次當我見到Facebook入面有人話自己隻喵需要輸血，我就好想拎楊先生去瘦醫度放血 – 呀唔係，係捐血先啱。以呢隻咁好肉地又乖又大食又嗲既喵，其實係好應該為地球作出一啲貢獻既…雖然工人最想佢地自己賺喵糧同喵砂，唉，最後咪又係我自己買？不過點都好，少病是福，所以最好都係做好預防措施，打好針先，至少唔打針的話，就連捐血都唔洗諗，係咪？

今次一約就約晒楊生楊太兩位主人一齊去打針，一大一細袋，重到呢…

楊太太好乖，好定，全程都好靜，又無乜反抗～

至於楊先生…當然就一如以往地好多野講啦，由頭到尾都叫唔停，仲好大聲～

不過佢唔曳嘅時候又真係好乖既。一刻囉。

楊太太當然就定好多啦，不過唔知點解出到黎診所有少少流眼水。

等佢地再靜番啲，我地就開拉鍵俾兩位主人視察一下四週。

隔左排入到去見瘦醫，好快就磅重打針，楊先生個靚樣殺晒醫生護士，仲俾人叫佢做貓巴士添呀 XD

不過貓巴士都係要打針，無得走。

楊太太上磅不知幾咁定，不過有合埋口時有少少嚇親醫生，幾驚一個唔小心就又有血案呀 Orz

楊太太打針都好定，仲發出比以前更嗲嘅功夫出黎，嬴晒～

 

因為唔知道以前有無打過針，所以為安全起見，下個月又要打多次針喇…

就係咁，楊生楊太轉左工人一年喇，工人由一開波領教到佢地既殺傷力、直到依家都日日嗲到癲，進步雖然已經好大，但進步空間依然好大…

工人們依然好鬼忙，最近有好多事情無寫到出黎，不如我預告黎緊會補寫番乜野事件啦：

1. 與第三者同居
2. 又搬屋（不過唔換工人）
3. 楊先生睇醫生食藥

唉，真係好多野要趕住做，依家匆匆寫完呢段字，我又要趕住去訓覺喇，好忙啊～～～～

咳唔…

本來去完超級市場買完罐頭，拎出黎無耐呢，楊太太就對號入座，自己埋位，準備出街喇…

今個冬天天氣好怪，時冷時熱又易病，攪到工人身體唔見太好…相反兩位主人好食好住，即使減左糧，體重都係一直上升…

以前係一餐長糧160g，依家係兩餐長糧70g + 70g，即係每日減左20g，依然比建議份量（90g x 2）差好遠，點解兩位主人咁吸收？ Orz

好喇，報數時間：

楊生係 7.2kg = 15.9lb

 

而楊太係 4.8kg = 10.6lb

楊生已經日日打波架啦，點解會咁架 囧