楊先生很嗲一早就知，不過佢其實都幾扭扭擰擰架，一方面嗲你，另一方面又好想唔俾人捉住…除非佢想自己留低啦。
凍係一個好大既機會，喵工人一定知道。
望鏡頭實在太好笑 XDD
坐大髀之top view。
打側影佢好呆～
分類: 日常大小事
-
楊生大楊太幾多？
雖然佢地叫做兩公婆，但查實佢地好少可可以坐埋一齊，今次我就專登搬埋佢地一齊，佢地喺強權底下反抗無效，被逼響埋一齊俾我影相 XDDD
-
冬天黎喇…
呢個時候唔做喵波，仲等幾時？好凍～
-
世界盃到喇，楊先生支持邊一隊？
你都傻嘅，佢邊度有得揀 XDD
世界盃打左幾日，楊先生已經感受到地球無比熱情，訓到死豬咁款喇。
（其實只係天時暑熱先至訓成咁啫）
-
楊先生有新花名
即係咁，其實楊先生一遇到工人，工人就已經叫佢做「楊生」、「楊先生」，後來就因為佢性格同文字描述一樣，所以叫佢做「很嗲」；間中就叫佢做「阿仔」，又或者「喵」，仲有根據客觀事實而叫既「肥仔」同「肥野」，基本上佢全部都係會應既。（不過就算你叫佢做楊太太，都係會應架啦…）
今日多一個名，其實係因為佢實在生產便便數量、速度都非常驚人，再加上本來就唔係好識得用喵砂，所以次次都臭死人，今日終於要叫佢做「Shit Machine」喇～
我總係覺得Shit Machine應該係生產力促進局派黎我屋企既餓底… Orz
-
細路電視
我覺得我應該搞番個收費電視台幫補一下楊生楊太既喵糧支出，但係我又對鏡頭好奄尖（用慣好野、但係好野通常好貴），所以突然見到淘寶有香港中高級cam平價發售就即刻訂番部～
裝cam比想像中簡單，原來依家既cam連DDNS都唔洗set，用專用手機軟件同預設網址就即刻完全打通晒，非常方便！
不過呢度重點係楊生楊太，所以都要放番佢地既樣出黎…
因為當時個軟件有問題，所以alignment出晒事（今日出左update正常番晒）
楊生反監視！Yeah～～～
-
楊先生繼續嗲
由第一日睇相都已經知道楊先生好嗲，不過點都一定有進步空間既 XD
依家佢上床可以俾我捉住既秒數一日比一日長 😀
包住頭又好好笑，不過通常俾野包住就會好想走～～
呢張自拍正啊，我自己訓起度影架，引佢望鏡頭勁難…
-
工人與主人相識一週年了
就係咁，楊生楊太轉左工人一年喇，工人由一開波領教到佢地既殺傷力、直到依家都日日嗲到癲，進步雖然已經好大，但進步空間依然好大…
工人們依然好鬼忙，最近有好多事情無寫到出黎，不如我預告黎緊會補寫番乜野事件啦：
- 與第三者同居
- 又搬屋（不過唔換工人）
- 楊先生睇醫生食藥
唉，真係好多野要趕住做，依家匆匆寫完呢段字，我又要趕住去訓覺喇，好忙啊～～～～
-
楊太太入袋
咳唔…
本來去完超級市場買完罐頭，拎出黎無耐呢，楊太太就對號入座，自己埋位，準備出街喇…
-
楊先生祝大家農曆新年快樂！
早前已經有試過將楊先生打造成招財喵架喇，不過影相都只係趁楊先生玩玩下唔記得放低手時影相 – 今日大年初一，我番黎屋企無耐，佢就咁樣舉高手望住我喇！
好感動…
楊先生，多謝你支持工人發大達啊～～～～