據說另一位工人係喵仔剋星，所有照顧過既男主人都過唔到五個月命，所以呢幾日我地非常之集中留意楊先生既動向，睇佢會唔會無啦啦死鬼左…
結果係無既！
由於詛咒已被破解，所以佢應該會長命百歲，點都唔會死（哇～～～）
最近楊生楊太都會上床訓，楊太已經無以前咁驚青，玩肚仔都已經無問題，有時候有人按門鐘仲直頭唔走添 – 楊生會走，但通常見自己走唔切就會回頭同大家親近親近 XD
至於腸胃方面，我終於幫佢地轉晒喵糧做Royal Canin Light 40，可能因為係純減肥糧既閣係，楊先生明顯地食慾不振 😀 但其實肚餓終歸都會食，所以半個月以來，佢地各輕左…100g咁大把 Orz 不過便便多左好多，同埋明顯地無咁臭，點都係一件好事黎既。
喵砂就比較難搞d，今次買返黎同上次都係同款，不過唔知點解有時唔係幾結舊，同埋兩位主人腳仔散播到四圍都係喵砂，屋企有沙漠化既跡象！無既，每日掃幾次地咁啦…
發佈留言