七一撞正星期日，所以七月二號突然變左公眾假期。連續假期，做工人邊有咁多日假放丫，呢個時候梗係趁機會大掃除，清潔一下、又同楊生楊太培養一下感情。
抱佢地真係好困難，不過依家都已經易左好多架喇，佢地日日係咁鈎住d野都真係無辦法，所以呢排我地就冒死去不斷抱佢地，由好驚到無咁驚（你以為啦，其實都係咁驚…），直到七月二號，終於有一個好偶然既機會底下，我地終於成功剪到楊生既指甲喇！
其實楊生都幾抵死，一方面無間斷地喵你親近你，另一方面又好努力地避開我地既手，一抱住就直頭想發癲添，差在唔係幾主動攻擊架咋。
本來我地都有諗過乘勝追擊，幫楊太剪埋…結果只係抱左幾十秒，掂腳都ok，但一到摸指甲就立刻逃脫！
無法啦，剪甲尚未成功，工人仍需努力呀～
發佈留言