楊生楊太既情人節係成日zzzzzzzzzzz，然後就係食食食食食…咁就係佢地最幸福（又平凡）既情人節喇～
我買左個波俾佢地，不過其實佢地都唔太領情…可能佢想見我多過過波（嘿嘿）
個波係去Sweetie Balloon買既，有興趣可以佢地舖頭、網站，又或者HKTV個商店度買 😀
-
冬天，宜嗲
楊先生很嗲一早就知，不過佢其實都幾扭扭擰擰架，一方面嗲你，另一方面又好想唔俾人捉住…除非佢想自己留低啦。
凍係一個好大既機會，喵工人一定知道。
望鏡頭實在太好笑 XDD
坐大髀之top view。
打側影佢好呆～
-
楊生大楊太幾多？
雖然佢地叫做兩公婆，但查實佢地好少可可以坐埋一齊，今次我就專登搬埋佢地一齊，佢地喺強權底下反抗無效，被逼響埋一齊俾我影相 XDDD
-
冬天黎喇…
呢個時候唔做喵波，仲等幾時？好凍～
-
試下新相機先…
部新相機叫做iPhone 6 Plus 😀 買左番黎自用就梗係用黎影下主人啦！
-
中秋節快樂～
中秋節快樂～
今次有Starbucks月餅陪胖，真係爽 😀
btw 楊先生只對喵糧有興趣，對月餅全無反應 XD （楊太太完全無視）
-
肥喵磅重（2014年7月）
嘟嘟嘟～終於的起心肝幫兩位主人既重量公告天下喇～其實自從楊先生食左醫生署方減肥糧之後，佢真係瘦番去剛剛入伙既重量，依家跳多左、玩多左，又嗲左 XD 依家轉番之前食開既減肥糧都可以好好保持體重，唔錯～
楊太太就一直keep得好好，無起跌 🙂
好喇，報數時間：
楊生係 6.5kg = 14.3lb
而楊太係 4.5kg = 9.9lb
楊生堅係輕左好多，正呀～～～～
-
世界盃到喇，楊先生支持邊一隊？
你都傻嘅，佢邊度有得揀 XDD
世界盃打左幾日，楊先生已經感受到地球無比熱情，訓到死豬咁款喇。
（其實只係天時暑熱先至訓成咁啫）
-
楊先生有新花名
即係咁，其實楊先生一遇到工人，工人就已經叫佢做「楊生」、「楊先生」，後來就因為佢性格同文字描述一樣，所以叫佢做「很嗲」；間中就叫佢做「阿仔」，又或者「喵」，仲有根據客觀事實而叫既「肥仔」同「肥野」，基本上佢全部都係會應既。（不過就算你叫佢做楊太太，都係會應架啦…）
今日多一個名，其實係因為佢實在生產便便數量、速度都非常驚人，再加上本來就唔係好識得用喵砂，所以次次都臭死人，今日終於要叫佢做「Shit Machine」喇～
我總係覺得Shit Machine應該係生產力促進局派黎我屋企既餓底… Orz
-
楊生楊太第一支針
其實每次當我見到Facebook入面有人話自己隻喵需要輸血，我就好想拎楊先生去瘦醫度放血 – 呀唔係，係捐血先啱。以呢隻咁好肉地又乖又大食又嗲既喵，其實係好應該為地球作出一啲貢獻既…雖然工人最想佢地自己賺喵糧同喵砂，唉，最後咪又係我自己買？不過點都好，少病是福，所以最好都係做好預防措施，打好針先，至少唔打針的話，就連捐血都唔洗諗，係咪？
今次一約就約晒楊生楊太兩位主人一齊去打針，一大一細袋，重到呢…
楊太太好乖，好定，全程都好靜，又無乜反抗～
至於楊先生…當然就一如以往地好多野講啦，由頭到尾都叫唔停，仲好大聲～
不過佢唔曳嘅時候又真係好乖既。一刻囉。
楊太太當然就定好多啦，不過唔知點解出到黎診所有少少流眼水。
等佢地再靜番啲，我地就開拉鍵俾兩位主人視察一下四週。
隔左排入到去見瘦醫，好快就磅重打針，楊先生個靚樣殺晒醫生護士，仲俾人叫佢做貓巴士添呀 XD
不過貓巴士都係要打針，無得走。
楊太太上磅不知幾咁定，不過有合埋口時有少少嚇親醫生，幾驚一個唔小心就又有血案呀 Orz
楊太太打針都好定，仲發出比以前更嗲嘅功夫出黎，嬴晒～
因為唔知道以前有無打過針，所以為安全起見，下個月又要打多次針喇…